17. Sanılanın əksinə, indiki dövrdə sadəcə Azərbaycanda mövcud olan klassik musiqi növüdür. Və yenə sanılanın əksinə milli və ya folklor deyil. Mədəniyyət mərkəzlərində belə "milli-ənənəvi musiqi və muğam" kimi gedir təsnifat. Əslində Azərbaycan folkuna çox uzaq olan bir musiqi növüdür. 1940-lardan sonra anti-qərb gücləndikdən sonra çox geniş vüsət alaraq böyüdü hətda muğam-caz kimi möhtəşəm bir subkulturaya çevrilə bildi. Həmçinin 90-lardan sonra muğam-rok kimi müxtəlif şahəsərlərə səbəb oldu. Hər nə olursa olsun mədəniyyət də bir siyasətdir. Bu gün muğam dinləyə bilən insan sayısı çox azdır. Yeni nəsilin tələbatını qarşılaya bilmir. Bəzi insanlar muğamın çiyninə yüklənmiş "millilik" eyforiyasından yaranan romantizm ilə bərk-bərk yapışsa da son 5-6 ildə görünür ki, ömrü uzun olmayacaq bu musiqi növünün. Yerini nə alacaq deyə soruşsanız, çox böyük ehtimalla Qafqaz mədəniyyətinin qabardılması və ya Aşıq sənətinin reformlaşdırılmış versiyası deyərdim.